चिसोबाट प्रभावित ७० मुसहर परिवारलाई कम्बल वितरण

सिरहा । विगत केही सातादेखि तराई–मधेसमा जारी शीतलहरका कारण जनजीवन कष्टकर बनेपछि सिरहाका ७० विपन्न मुसहर परिवारलाई कम्बल वितरण गरिएको छ ।

विशाल ग्रुप फाउन्डेसनले जिल्लाका दुई स्थानीय तहका विपन्न बस्तीमा पुगेर राहत वितरण गरेको हो । फाउन्डेसनका अनुसार सखुवानन्कारकट्टी गाउँपालिका–२ पटनाका ४५ र लक्ष्मीपुरपतारी गाउँपालिका—४ धञ्छवारका २५ जना गरी कुल ७० जनालाई जनही एक–एक थान कम्बल प्रदान गरिएको छ ।