अल्ट्रा म्याराथनका लागि विभिन्न समिति गठन

तनहुँ । व्यास नगरपालिकाले आगामी माघ १६ गते आयोजना गर्ने अल्ट्रा म्याराथन प्रतियोगिता सम्पन्न गर्न विभिन्न समितिहरू गठन गरेको छ ।

व्यास नगरपालिका नगर कार्यपालिकाको बुधबार बसेको कार्यपालिकाको बैठकले व्यास नगरपालिका–५ मानुङकोटबाट व्यास नगरपालिका–८ पुलिमराङ सहिद पार्कसम्मको ४४ किलोमिटर अल्ट्रा म्याराथनका लागि विभिन्न समिति गठन गर्ने निर्णय गरेको हो । म्याराथनका लागि नगर प्रमुख वैकुण्ठ न्यौपानेको संयोजकत्वमा मूल समारोह समिति गठन गरिएको छ ।