कानुनको जित, न्यायको हार

कानुनले जित्ने र न्यायले हार्ने अवस्था हुनु हुँदैन।

अदालतको फैसला केवल फैसला होइन, न्याय निसाफ हो। अझ फैसलाले न्याय पाउनुपर्नेले पाउनुपर्छ र सजाय पाउनुपर्नेले सजाय। सधैं त्यस्तो हुँदो रहेनछ। सप्तरी जिल्ला अदालतको हालैको एउटा फैसलाबाट देखिन्छ कि कहिलेकहिले कानुनले जित्छ र न्याय हार्दाे रहेछ। बालविवाहसम्बन्धी मुद्दामा पुस १८ गते एउटा फैसला गर्‍यो र वैशाखमा भएको १३ वर्षीया बालिका र १९ वर्षे किशोरबीचको विवाह रद्द भयो। कानुनले नेपालमा २० वर्षअघि विवाह निषेध गरेको छ। न्यायाधीश हरिश्चन्द्र इङनामको इजलासको उक्त फैसलाले बालविवाह गराउने परिवारका अभिभावकलाई सजाय भएको छ।