गुल्मी अस्पतालमा डाइलासिस सेवाको स्तरवृद्धि

गुल्मी । गुल्मी अस्पतालमा डाइलासिस सेवाको स्तरवृद्धि गरिएको छ । रेसुङ्गा नगरपालिकाले डाइलासिसको लागि आवश्यक सामग्री प्रदान गरेसँगै अब अस्पतालमा सेवाको स्तरबृद्धि भएको हो । पछिल्लो समय नगरपालिकाले ७० लाखको तीनवटा मेसिन प्रदान गरेको छ ।

यो मेसिन प्रदान गरेसँगै अब अस्पतालमा ४० जना बिरामीले सेवा लिन सक्नेछन् । यसभन्दा अगाडी पाँचवटा मेसिनमार्फत १९ जना बिरामीले सेवा लिन पाउथे । मेसिन थप गरेसँगै अस्पतालमा थप २१ जना बिरामीले सेवा लिनसक्ने अस्पतालका डाक्टर विभव बस्यालले जानकारी दिए ।