बिर्सिइयो उपत्यकाको भीषण बाढी

काठमाडौँ, साउन २५ गते । २०८१ असोज १० देखि १२ गतेसम्मको भीषण वर्षा र बाढीको प्रताडना काठमाडौँ, भक्तपुर र ललितपुरवासीका लागि विस्मृतिमा गइसकेको छ । काठमाडौँ उपत्यकाको जलप्रणालीको प्रमुख स्रोत बागमती नदीसहित सहायक खोला किनार आसपासका बासिन्दाले पनि बाढी र डुबानको कुरै भुलिसकेका छन् ।

जल तथा मौसमविज्ञले यस वर्ष अघिल्लो वर्षभन्दा भीषण वर्षा हुने पूर्वानुमान गरिरहँदा प्रशासनले उद्धार र राहतको तयारी गर्‍यो तर डुबान प्रभावित क्षेत्रका बासिन्दा ‘परेको सहुँला’ शैलीमा ढुक्कले बसेका छन् । राजधानीकै अधिकांश पानीका स्रोत नदी र खोला अतिक्रमणमा पर्दा बाढी र डुबानको सन्त्रास बढेको हो ।