एमाले–नेकपा गठबन्धनको कसरत, ओली–नेपाल भेटको तयारी

कैलाली । नेपाली कांग्रेस र नेकपा एमालेबीचको सत्ता गठबन्धन भत्किन सुरु गरेपछि अहिले दलहरू एकआपसमा नयाँ समीकरण बनाउन आन्तरिक छलफल र संवादमा जुटेका छन्।

प्रदेशहरूमा नेकपा र एमाले, नेकपा र कांग्रेस तथा कांग्रेस र एमालेबीचको समीकरणबारे चर्चा छ। अहिले सबैभन्दा धेरै नेकपा र एमालेबीच नयाँ गठबन्धनको गृहकार्य भइरहेको छ। कांग्रेस र नेकपाबीच पनि छलफल नभएका होइनन्, तर त्यसले मूर्त रूप भने लिन सकेको छैन। केही नेताहरू पुरानो गठबन्धनलाई निरन्तरता दिनुपर्ने पक्षमा पनि उभिएका थिए। तर त्यसको सम्भावना पनि क्षीण छ।