आर्सनल फेरि दोस्रो स्थानमा फर्कियो

काठमाडौं । आर्सनल इंग्लिश प्रिमियर लिगको दोस्रो स्थानमा उक्लिएको छ । बुधबार राती भएको खेलमा टोटनह्याम हट्स्परलाई २-१ गोल अन्तरले हराउँदै आर्सनल फेरि अंक तालिकाको दोस्रो स्थानमा उक्लिएको हो ।

२५ औं मिनेटमा सुरुवाती अग्रता लिएको टोटनह्यामका डोमिनिक सोलंकेले ४० औं मिनेमा आत्मघाती गोल उपहार दिएपछि आर्सनलको खाता खुल्यो । ४४औं मिनेटमा लिएन्ड्रो ट्रोस्सार्डले गोल गरेपछि आर्सनल त्यसैको बलमा विजयी भयो । दोस्रो हाफमा दुबै टोलीबाट गोल हुन सकेन ।