न्युजिल्याण्डविरुद्ध भारत ४८ रनले विजयी

काठमाडौँ । पाँच खेलको टी–ट्वान्टी अन्तर्राष्ट्रिय शृंखलाको पहिलो खेलमा भारतले न्युजिल्याण्डलाई ४८ रनले पराजित गर्दै १–० को अग्रता लिएको छ । बुधबार नागपुरमा सम्पन्न खेलमा भारतले पहिलो जित हात पारेको हो ।

पहिले ब्याटिङ गरेको भारतले निर्धारित २० ओभरमा २३८ रनको विशाल योगफल तयार गर्‍यो । अभिषेक शर्माले विस्फोटक ब्याटिङ गर्दै ८४ रन बनाएका थिए र उनी ‘प्लेयर अफ द म्याच’ घोषित भए । रिंकु सिंहले ४४ रनको योगदान दिए भने कप्तान सूर्यकुमार यादवले ३२ र हार्दिक पाण्ड्याले २५ रन जोडे ।