कपिलवस्तुमा खुला दिसा गर्ने भारतीय नागरिकसहित १६ जना प्रहरी नियन्त्रणमा

कपिलवस्तु । कपिलवस्तुको विजयनगर गाउँपालिकामा खुला दिसा गर्ने भारतीय नागरिक सहित १६ जनालाई प्रहरीले नियन्त्रणमा लिएको छ। गाउँपालिकाले बस्ती, सडक तथा खेतबारीमा खुला दिसा गर्नेको पहिचान गर्न छड्के अनुगमन गर्ने क्रममा उनीहरुलाई पक्राउ गरेको हो ।

पालिकाका वास संयोजक अर्जुन बेल्वासेको नेतृत्वमा इलाका प्रहरी कार्यालय गणेशपुर प्रहरी सहितको अनुगमन टोली विहान ५ बजेदेखि गाउँपालिकाका विभिन्न वडामा छाड्ने अनुगमन गरेको थियो । गाउँपालिका र इलाका प्रहरी कार्यालय गणेशपुरको प्रहरी सहितको अनुगमन टोली देखेपछि खुला दिसा गर्ने समूहको भागाभाग भएको थियो ।