होमस्टेप्रति पर्यटक आकर्षित

पर्साको ठोरी गाँउपालिका ५ सुवर्णपुरमा सञ्चालनमा आएको होमस्टेले आन्तरिक तथा बाहय पर्यटकलाई आकर्षित गरेको देखिएको छ । सो गाउँको १५ वटा घरमा सञ्चालित होमस्टेमा महिनामा करिब एक सय ८० देखि दुई सयसम्म पर्यटक वास बस्नेगरेको सुनाखरी होमस्टे व्यवस्थापन समितिका अध्यक्ष शम्भुराम पौडेलले बताए ।

होमस्टेमा एक पटकमा ६० जना पाहुना राख्न सकिने क्षमता रहेको पौडेलको भनाइ छ । स्वदेशी मात्र नभई अहिले भारत लगायत अन्य देशका बिदेशी पर्यटक पनि होमस्टेमा बास बस्न आउनेगरेको उनले बताए ।