प्युठान को बिजुवारमा प्रभु बैङ्क को ३१५ औँ शाखा सञ्चालनमा

काठमाडौँ। प्रभु बैङ्क लिमिटेडले शाखा सञ्जाल विस्तार गर्ने क्रममा यही साउन २५ देखि प्युठान नगरपालिका,वडा नं.४ प्युठान स्थित बिजुवारमा आफ्नो ३१५ औँ शाखा खोली कार्यालयको सेवा सञ्चालनमा ल्याएको छ। जिल्ला समन्वय समिति प्रमुख धरम बहादुर जीसीले बैङ्कको नयाँ शाखाको उद्घाटन गरेका हुन्।

प्रभु बैङ्क लिमिटेडले आफ्नो बैङ्कको व्यावसायिक सञ्जाल विस्तार गर्दै विभिन्न ठाउँहरूमा शाखा कार्यालय सञ्चालनमा ल्याएर सर्वसाधारणको घर आँगनसम्म सरल र सहज रूपमा बैङ्किङ सेवा विस्तार गरेको छ। प्रभु बैङ्कको यो अभियानले देशभरि नै बैङ्किङ पहुँचमा वृद्धि भएको मात्र नभई समग्र देशको आर्थिक विकासमा सकारात्मक टेवा पुगेको बैङ्कले जनाएको छ।