सिरियामा इजरायली हवाई आक्रमणः तीन जनाको मृत्यु, ३४ घाइते

काठमाडौँ । इजरायली सेनाले सिरियाको राजधानी दमास्कसमा रहेको राष्ट्रपति भवन नजिकै र रक्षा मन्त्रालय वरपर हवाई आक्रमण गरेको छ। इजरायली सेनाले सैन्य लक्ष्यहरूलाई निशाना बनाइएको दाबी गरेपनि आक्रमणमा सर्वसाधारण पनि प्रभावित भएका छन्।

सिरियाको स्वास्थ्य मन्त्रालयका अनुसार घटनामा कम्तिमा तीन जनाको मृत्यु भएको छ भने ३४ जना घाइते भएका छन्। घाइतेहरूमध्ये केहीको अवस्था गम्भीर छ। आक्रमणपछि दमास्कसको आकाशमा बाक्लो धुवाँ देखिएको थियो।