विश्वकपमा भिड्दै अर्जेन्टिना–स्पेन, दुबै टिमसँग ईतिहास कोर्ने उच्च मनोकांक्ष

काठमाडौं । फिफा विश्वकप २०२६ मा विश्वका नम्बर १ र २ वरीयताका टिम फाइनलमा भिड्ने तयारीमा छन् । कोपा अमेरिका च्याम्पियन र युरोपेली विजेता नै उपाधि भिडन्तमा ओर्लिदा नयाँ इतिहास कोर्ने उच्च मनोकांक्ष दुबै टिमसँग हुनेछ । विश्व फुटबलकै सर्वकालीन महान् खेलाडी लियोनल मेसी र यूवास्टार लामिन यामल सामु एउटा अर्को जादुयी प्रदर्शनको अवसर हुनेछ ।

अहिलेसम्मकै सबैभन्दा ठूलो विश्वकप ४८ टिमबाट खुम्चिएर दुई टिममा झरेको छ। सोमबार बिहान निर्णायक खेलका लागि न्युयोर्क–न्युजर्सी रंगशालामा एकअर्काविरुद्ध खेल्दै छन्, डिफेन्डिङ च्याम्पियन अर्जेन्टिना र स्पेन। सेमिफाइनल आइपुग्दा लागिरहेको थियो– फ्रान्स नै यसपल्ट उपाधि जित्न सबैभन्दा बढी बलियो टिम छ, इंग्ल्यान्डले पनि ६ दशकयता पहिलो पटक फाइनल खेल्न बेर छैन।