रोबोटिक्स, कोडिङ र एआईमा अन्तर्राष्ट्रिय प्रतिस्पर्धाका लागि नेपाली विद्यार्थी छनोट सुरु

काठमाडौं । नेपालका तर्फबाट ‘कोडेभर अन्तर्राष्ट्रिय’ रोबोटिक्स, कोडिङ तथा एआई प्रतिस्पर्धामा सहभागी हुने विद्यार्थी छनोट प्रक्रिया सुरु भएको छ । निमा एजुकेशन फाउण्डेसनले आगामी वर्ष थाइल्याण्डमा आयोजना हुने अन्तर्राष्ट्रिय प्रतियोगिताका लागि नेपाली विद्यार्थी छनोट गर्न आजदेखि प्रक्रिया अघि बढाएको हो ।

प्रतियोगितामा ७ देखि १८ वर्ष उमेर समूहका विद्यार्थीले सहभागिता जनाउन पाउनेछन् । फाउण्डेसनका अनुसार प्रतियोगितामा करिब ५० देशका विद्यार्थी सहभागी हुनेछन् ।