देवानगञ्ज घटनाबारे प्रहरीको आग्रह – यथार्थ बुझेर मात्र समाचार सम्प्रेषण गर्नू

इनरुवा – सुनसरीको देवानगञ्ज गाउँपालिका–१ मध्येहर्षाहीस्थित बीपी चोकमा भएको झडपको घटनालाई लिएर सामाजिक सञ्जाल तथा सञ्चारमाध्यममा भ्रमपूर्ण विवरण सम्प्रेषण भएको भन्दै प्रहरीले यथार्थ बुझेर मात्र समाचार सम्प्रेषण गर्न आग्रह गरेको छ ।

जिल्ला प्रहरी कार्यालय सुनसरीले शुक्रबार जारी गरेको प्रेस विज्ञप्तिमा घटनामा गोली प्रहारबाट मानिसको मृत्यु तथा घाइते भएको भन्ने विवरण सामाजिक सञ्जाल तथा सञ्चारमाध्यममा प्रसारित भएको उल्लेख गर्दै त्यस्तो विवरण भ्रमपूर्ण रहेको जनाएको छ ।