हचुवामा वन्यजन्तु स्थानान्तरण

हिमालमा हुने वन्यजन्तु पहाड र मधेसमा हुँदैनन्, मधेसमा हुने पहाडमा हिमालमा हुँदैनन्। जसरी भूगोलले नेपालमा तीनथरी स्वरूप बनाएको छ, त्यसैअनुसार नै ती ठाउँमा थरीथरी वन्यजन्तु छन्, वनस्पति छन्। अनि जसरी फरक भूगोलको जैविकतामा विविधता छ।

मधेसकै पनि एक ठाउँका वन्यजन्तु अर्काे ठाउँमा नपाइन सक्छ, हिमाल र पहाडमा पनि त्यस्तै हुन्छ। उस्तै जंगल र वनस्पति भए पनि हावापानीलगायत अनेक कारण सबै ठाउँमा फरकफरक प्राणीको बासस्थान छ। जस्तो कि पूर्वको कोसीटप्पु आरक्षणमा पाइने जंगली भैंसी अर्ना उस्तैउस्तै तापक्रम भएको कञ्चनपुरको शुक्लाफाँटा आरक्षमा पाइन्न। शुक्लाफाँटामा पाइने बाह्रसिंगे अन्त दुर्लभ मानिन्छ।