रसुवामा कार्यरत १२ स्वास्थ्यकर्मी सम्पर्कविहीन

धुन्चे — रसुवामा आएको विनाशकारी बाढीपछि जिल्लाका विभिन्न स्वास्थ्य संस्थामा कार्यरत १२ जना स्वास्थ्यकर्मी सम्पर्कविहीनभएका छन्। जनस्वास्थ्य कार्यालय, रसुवाले भदौ १३ गते सार्वजनिक गरेको विवरणअनुसार भदौ १० गतेदेखि उनीहरू परिवार तथा सम्बन्धित निकायको सम्पर्कमा आएका छैनन्।

भोटेकोसी नदीमा आएको बाढीका कारण जिल्लाका विभिन्न क्षेत्रमा सञ्चार सम्पर्कसमेत प्रभावित भएकाले स्वास्थ्यकर्मीहरूको अवस्थाबारे यकिन जानकारी प्राप्त हुन नसकेको कार्यालयले जनाएको छ। यसअघि पनि रसुवाका ६ स्वास्थ्यकर्मी सम्पर्कविहीनभएको सार्वजनिक विवरण आएको थियो।