जब डायलोले १२ मिनेटमै ह्याट्रिक पूरा गरेर म्यानयुलाई जिताए

काठमाडौं । अमाद डायलोको ह्याट्रिक मद्दतले म्यान्चेस्टर युनाइटेडलाई प्रिमियर लिगमा ठूलो राहत मिलेको छ । घरेलु मैदानमा बिहीबार राती भएको खेलमा म्यानयुले रेलिगेशन जोनमा रहेको साउथ ह्याम्पटनलाई ३-१ ले हराएको हो ।

पहिलो हाफअघि म्यानयु आफैंले आत्मघाती गोल उपहार दिएर साउथह्याम्पटनलाई उचालेकामा ढिलागरी डायलोले ह्याट्रिक गरेर टोलीलाई जिताए । ८२ औं मिनेटमा व्यक्तिगत पहिलो गोल गरेका उनले (१२ मिनेटमा) अतिरिक्त समयको चौथो मिनेट अर्थात् ९४ औं मिनेटमा ह्याट्रिक पूरा गरे ।