धनुषामा करेन्ट लगाएर आफ्नै काकीको हत्या 

धनुषामा एक युवकले आफ्नै काकीको हत्या गरेको सार्वजनिक भएको छ । जिल्लाको विदेह नगरपालिका– ७ वेलापट्टीका २० वर्षीय दिलिप कुमार साहले आफ्नै ३० वर्षीया काकी कविता साहको करेन्ट लगाएर हत्या गरेको प्रहरीले जनाएको छ ।

सोमबार साँझ कविता सुत्ने कोठामा दिलिपले विद्युतीय करेन्ट प्रवाह गरिदिएपछि करेन्ट लागेर कविताको मृत्यु भएको प्रहरीले जनाएको छ । कवितासँगै रहेका उनका १४ महिनाका छोरा कार्तिक साहसमेत घाइते भएका छन् । महिलाको मृत्यु भएको खबर पाएलगत्तै घटनास्थलमा पुगेको प्रहरीले अनुसन्धान थालेपछि दिलिपले हत्या गरेको खुलेको धनुषा प्रहरी नायव उपरीक्षक दिपक क्षेत्रीले बताए ।