नेतान्याहूलाई पक्राउ गर्न खोजिरहेछन् न्यूयोर्कका मेयर ममदानी

न्यूयोर्क । न्यूयोर्क सहरका मेयर जोहरान ममदानीले इजरायली प्रधानमन्त्री बेन्जामिन नेतान्याहू सेप्टेम्बरमा संयुक्त राष्ट्रसंघको महासभामा सहभागी हुन न्यूयोर्क आएमा उनलाई पक्राउ गर्न सकिने विषयमा आफ्नो प्रशासनले कानुनी अध्ययन गरिरहेको बताएका छन् ।

द न्यूयोर्क टाइम्सको ‘द इन्टरभ्यु’ पोडकास्टमा बोल्दै ममदानीले आफ्नो कानुनी विभागले यस विषयमा सक्रिय रूपमा छलफल गरिरहेको जानकारी दिए । मेयर पदका लागि चुनावी अभियानका क्रममा उनले अन्तर्राष्ट्रिय अपराध अदालत (आईसीसी)ले जारी गरेको पक्राउ पुर्जीका आधारमा नेतान्याहूलाई पक्राउ गर्न पहल गर्ने वाचा गरेका थिए ।