सरकार र प्रतिष्ठानबिचको द्वन्द्वले बिरामी र विद्यार्थी मर्कामा

मकवानपुर । बागमती प्रदेश सरकार र मदन भण्डारी स्वास्थ्य विज्ञान प्रतिष्ठानबिच बारम्बार निम्तिने विवादका कारण बिरामी र विद्यार्थीहरू मर्कामा पर्दै आएका छन् । सरकार र प्रतिष्ठानबिचको द्वन्द्वका कारण हेटौँडा अस्पतालको सेवा प्रवाह प्रभावित हुनका साथै प्रतिष्ठानमा अध्ययनरत चिकित्सा शास्त्रका विद्यार्थीहरू मर्कामा पर्दै आएका हुन् ।

प्रदेश सरकार मातहत रहेको मदन भण्डारी स्वास्थ्य विज्ञान प्रतिष्ठान स्थापना भएको ४ वर्षमात्र भए पनि यसबिचमा बारम्बार राजनीतिक चलखेलको सिकार बन्दै आएको छ ।