शिक्षा स्वास्थ्यमा कर व्यवहारिक छैन : अध्यक्ष शाही

काठमाडौँ- नेपाल राष्ट्रिय शिक्षक संगठनका अध्यक्ष हंसबहादुर शाहीले शिक्षा स्वास्थ्य सेवामा साउन १ गतेदेखि लागू भएको ३ प्रतिशत करप्रति असन्तुष्टि जनाउँदै यसको वास्तविक भार अन्ततः अभिभावक, बिरामी र उनीहरूका परिवारमाथि पर्ने बताएका छन्।

सामाजिक सञ्जाल फेसबुकमार्फत आफ्नो धारणा सार्वजनिक गर्दै अध्यक्ष शाहीले धेरैले उक्त कर अस्पताल वा स्वास्थ्य सेवा प्रदायकले बेहोर्लान् भन्ने अपेक्षा गरे पनि व्यवहारमा यसको बोझ उपचारका लागि अस्पताल पुग्ने नागरिकले नै व्यहोर्नुपर्ने अवस्था आएको उल्लेख गरेका छन्।