आविष्कार केन्द्रसँग सहकार्य गर्ने तयारी

स्वास्थ्य तथा खाद्य स्वच्छता मन्त्रालयले सरकारी अस्पतालमा बिग्रिएर लामो समयदेखि प्रयोगविहीन रहेका स्वास्थ्य उपकरणको मर्मत तथा पुनः सञ्चालनका लागि राष्ट्रिय आविष्कार केन्द्रसँग सहकार्य गर्ने तयारी गरेको छ ।

स्वास्थ्य तथा खाद्य स्वच्छतामन्त्री निशा मेहता र राष्ट्रिय आविष्कार केन्द्रका अध्यक्ष महावीर पुनबिच यस विषयमा बुधबार छलफल भएको छ । छलफलमा सरकारी अस्पतालमा थन्किएर रहेका, बिग्रिएका स्वास्थ्य उपकरणको पहिचान गर्ने, प्राविधिक अवस्था मूल्याङ्कन गर्ने तथा आवश्यक मर्मतसम्भार गरी पुनः सञ्चालनमा ल्याउने विषयमा छलफल भएको थियोे ।