रामेछापबाट काठमाडौं आउँदै गरेको बस काभ्रेको भुम्लुमा दुर्घटना

रामेछापबाट काठमाडौं आउँदै गरेको बस काभ्रेको भुम्लु गाउँपालिका-८ पौवामा दुर्घटना भएको छ।

शनिबार दिउँसो रामेछाप डोरखानीबाट काठमाडौंका लागि छुटेको बा ३ ख ८४०८ नम्बरको यात्रुबाहक बस दुर्घटना हुँदा २३ जना घाइते भएका थिए। घाइतेमध्ये १९ जनाको उपचारपछि घर फर्किसकेको जिल्ला प्रहरी कार्यालय काभ्रेका प्रमुख एसपी कोमल शाहले जानकारी दिए।