महिलाको दायित्व उत्पादनदेखि भान्सासम्म: कृषिमन्त्री

कृषि तथा पशुपंक्षी विकास मन्त्री रामनाथ अधिकारीले महिलाहरूको दायित्व उत्पादनदेखि भान्सासम्म रहेको बताउँदै यसलाई आयआर्जन र व्यवसायसँग जोड्ने नीति तथा कार्यक्रम बनाउनुपर्ने आवश्यकता औंल्याएका छन्।

शुक्रबार काठमाडौंमा आयोजित कृषि जन्य उत्पादन, मूल्य श्रृङ्खला र प्राकृतिक रेशाजन्य स्रोतसाधनहरूको नीतिगत संवाद कार्यक्रममा मन्त्री अधिकारीले आगामी आर्थिक वर्ष २०८१/८२ का नीति तथा बजेटमा महिलाको सहभागिता बढाउन पहल गर्ने प्रतिबद्धता व्यक्त गरे।