अखिल क्रान्तिकारीको उम्मेदवारी दर्ता सर्‍यो, उमेर हदमा कडाई

काठमाडौं । अनेरास्ववियु (क्रान्तिकारी)को २३ औं राष्ट्रिय सम्मेलन अन्तर्गत १२ माघमा हुन लागेको निर्वाचनको मनोनयन दर्ता सरेको छ । माघ ५ गते अर्थात् शनिबार मनोनयन दर्ता हुने भनिएकामा प्राविधिक कारण देखाउँदै माघ ८ गतेलाई सारिएको निर्वाचन समितिले जनाएको छ ।

समितिले शुक्रबार बसेको बैठकको निर्णय सार्वजनिक गर्दै निर्वाचन तालिका हेरफेर गएिकोबारे जानकारी दिएको हो । नयाँ तालिका अनुसार माघ ८ गते मंगलबार विहान ८ बजेदेखि बेलुकी ६ बजेसम्म उम्मेदवारी अर्थात् मनोनयन दर्ता गर्नु पर्नेछ । उम्मेदवारी दर्ता अखिल क्रान्तिकारीको आधिकारिक वेबसाइटमार्फत गर्न सकिने भनिएको छ ।