प्लानिङ ब्वाइज बुढासुब्बा गोल्डकपको सेमिफाइनलमा, एनआरटी बाहिरियो

२४ माघ, सुनसरी । धरान रंगशालामा जारी अन्तर्राष्ट्रिय आमन्त्रण बुढासुब्बा गोल्डकप फुटबल प्रतियोगिताअन्तर्गत शनिबार भएको खेलमा प्लानिङ ब्वाइज युनाइटेड क्लब सेमिफाइनलमा प्रवेश गरेको छ । डिफेन्डिङ च्याम्पियन एनआरटीलाई हराउँदै प्लानिङ अगाडि बढेको हो ।

एनआरटीलाई २–० गोलले पराजित गर्दै प्लानिङ ब्वाइज अन्तिम चारमा पुग्न सफल भयो। प्लानिङ ब्वाइजका लागि खेलको ४३औं मिनेटमा केबेले रोमन भुजेलको क्रस पासमा सुन्दर गोल गर्दै टोलीलाई अग्रता दिलाएका थिए। खेलको ८२औं मिनेटमा रोमन भुजेलकै उत्कृष्ट पासमा स्याम मुर्मुले अर्को गोल थप्दै जित सुनिश्चित गरे।