आरजी कर अस्पतालमा बलात्कार र हत्या भएको पाँच महिनापछि के महिलाका लागि केही परिवर्तन भएको छ?

पश्चिम बङ्गालको सबैभन्दा प्रतिष्ठित सरकारी मेडिकल कलेजमध्ये एक आरजी कर मेडिकल कलेजमा बलात्कार र हत्याको घटना भएको पाँच महिना भइसकेको छ।

अगस्ट 9,2024 मा, एक महिला प्रशिक्षु डाक्टरको शव अस्पतालको सम्मेलन कोठामा फेला परेको थियो। यस घटनापछि यो डाक्टरलाई पहिले बलात्कार गरी त्यसपछि हत्या गरिएको कुरा थाहा भयो। यस घटनापछि जनताको आक्रोश बढेको थियो र राज्यमा स्वास्थ्य सेवा पनि दुई महिनाभन्दा बढी समयदेखि ठप्प भएको थियो।