मेस्सीसँग तुलना गरिएका यामालबारे प्रशिक्षक भन्छन्- ठूला खेलमा यामालले निराश पार्दैनन्

१९ वर्षको उमेरमै फुटबल स्टार लामिन यामालले धेरै खेलाडीले आफ्नो सम्पूर्ण करियरमा जित्न नसक्ने उपलब्धि हासिल गरिसकेका छन्। उनी बार्सिलोनाबाट तीन पटक ला लिगा च्याम्पियन, स्पेनसँग युरोपियन च्याम्पियन बनिसकेका छन्। अहिले उनी विश्वकपको फाइनल खेल्न तयार छन्। जित हात पार्न सके आफ्नो ट्रफी सङ्ग्रहमा अर्को ठूलो सफलता थप्नेछन्।

यति कम उमेरमा उनले हासिल गरेको यो सफलता उनीसँग पहिलोपटक भेट्ने प्रशिक्षकहरूलाई समेत आश्चर्यमा पार्ने खालको छ। सीएनएन स्पोर्ट्स सँग कुरा गर्दै बार्सिलोनाका युवा टोली प्रशिक्षक मार्क सेराले एक दशकअघि भएको ट्रायल खेलमा पहिलोपटक यामाललाई देख्दा आफूलाई प्रभावित बनाएको सम्झिए।