न्यून चापीय प्रणाली तथा स्थानीय वायुको प्रभाव, यस्तो रहनेछ आजको मौसम

काठमाडौँ । मुलुकको पश्चिमी क्षेत्र आसपासको उपल्लो वायुमण्डलमा रहेको न्यून चापीय प्रणाली तथा स्थानीय वायुको प्रभावका कारण देशका हिमाली तथा पहाडी भू–भागमा वर्षा र हिमपात हुने सम्भावना देखिएको छ। यसै गरी, तराईका केही क्षेत्रमा भने तापक्रम वृद्धि भई गर्मी बढ्ने मौसम पूर्वानुमान महाशाखाले जनाएको छ।

हाल गण्डकी र कर्णाली प्रदेशका हिमाली तथा पहाडी भागमा साधारणतया बदली रहेको छ भने कोशी, बागमती, लुम्बिनी र सुदूरपश्चिम प्रदेशका हिमाली तथा पहाडी भागका एक–दुई स्थानमा हल्का वर्षा भइरहेको छ। तराईका अधिकांश क्षेत्रमा भने अहिले मौसम मुख्यतया सफा रहेको छ।