‘३ लाख साँवाको ब्याज १३ लाख पुर्‍याए, अब के गरौं ?’

मनासिब व्याजदर तिर्न पाइने भए र चक्रवर्ती ब्याजको पद्धति हटाइदिए आफूहरू ऋण तिर्न तयार रहेको उनीहरूको भनाइ छ।

गोरखा : गोरखा नगरपालिका–६ ढाँडगाउँका सन्तमाया र जुठे विक दम्पतीले भुइँचालो गएको साल गोरखा बजारका हरिबाबु श्रेष्ठ र पूर्णकुमार श्रेष्ठसित तीन/तीन लाख रुपैयाँ सापटी लिए। एक जना साहुसित च्याङ्लीस्थित ससुरालीको १३ रोपनी जग्गाको लालपुर्जा र अर्का साहुसित ढाँडगाउँकै घरजग्गाको लालपुर्जा सुम्पेर ऋण लिएका थिए।