राजस्थान रोयल्स सेटलमेन्ट विवादमा राज कुन्द्रालाई झट्का, लन्डन उच्च अदालतद्वारा ५० लाख डलर फिर्ता गर्न आदेश

मुम्बई । इन्डियन प्रिमियर लिग (आईपीएल) टोली राजस्थान रोयल्ससँग सम्बन्धित पुरानो कानुनी विवादमा व्यवसायी राज कुन्द्रालाई ठूलो झट्का लागेको छ ।

बेलायतको लन्डन उच्च अदालतले सन् २०१९ मा भएको गोप्य सेटलमेन्ट सम्झौताको बारम्बार उल्लङ्घन गरेको ठहर गर्दै उनलाई करिब ४९ लाख ३८ हजार अमेरिकी डलर (झन्डै ४१ करोड भारतीय रुपैयाँभन्दा बढी) ब्याजसहित फिर्ता गर्न आदेश दिएको छ ।