विश्वकप फुटबल : इङ्ल्यान्ड, क्रोएसिया र घाना पनि अन्तिम ३२ मा

काठमाडौँ । फिफा विश्वकप २०२६ अन्तर्गत समूह ‘एल’को खेलमा इङ्ल्यान्डले पानामालाई २–० ले पराजित गर्दै समूह विजेताका रूपमा नकआउट चरणमा प्रवेश गरेको छ। त्यस्तै, अर्को खेलमा क्रोएसियाले घानामाथि २–१ को रोमाञ्चक जित निकाल्दै समूह उपविजेताका रूपमा अन्तिम ३२ मा स्थान सुरक्षित गरेको छ। घाना भने उत्कृष्ट तेस्रो स्थानका टोलीमध्ये पर्दै नकआउट चरणमा पुग्न सफल भएको छ।

न्युयोर्क–न्यु जर्सीमा वर्षाका बीच सम्पन्न खेलमा इङ्ल्यान्डले पहिलो हाफभरि गोल गर्न सकेन। अनुशासित रक्षात्मक रणनीति अपनाएको पानामाले पहिलो ४५ मिनेट इङ्ल्यान्डलाई गोलरहित बराबरीमा रोकेको थियो।