कर्णाली सरकारको बजेट खर्च निराशाजनक, सेवाप्रवाह र विकास निर्माण सुस्त

सुर्खेत — जेन-जी नेतृत्वको आन्दोलनयता कर्णाली सरकार सुस्ताएको छ। सरकारले न आन्दोलनको क्रममा क्षतिग्रस्त संरचनाको पुनर्निर्माणका लागि ठोस योजना अघि सारेको छ न विकास निर्माणका काम नै तीव्र छन् । कर्णाली सरकारले चालु आर्थिक वर्षका ५ महिनामा मुस्किलले ७ प्रतिशत मात्र बजेट खर्च गर्न सकेको छ । जुन अहिलेसम्मकै सबैभन्दा कम खर्च हो ।

कर्णालीमा झण्डै साढे चार महिनादेखि ठप्प हुँदा सरकारका कामकाजसमेत प्रभावकारी बन्न सकेका छैनन् । कर्णालीमा जेन–जी आन्दोलनयता दुईपल्ट मात्र मन्त्रिपरिषद्को बैठक बसेको छ । आन्दोलनको डेढ महिनापछि असोज २८ गते बसेको बैठकले सहिद स्मृति भत्ताका लागि ८ करोड ८५ लाख रुपैयाँ बजेट विनियोजन गर्‍यो भने मंसिर १ गते बसेको बैठकले आन्तरिक मामिला तथा कानुन मन्त्रालयलाई मुख्यमन्त्री कार्यालयमा गाभ्नेबाहेक अन्य निर्णय गर्न सकेन ।