कर्णालीमा यू-१९ राष्ट्रिय महिला क्रिकेट हुँदै,विजेतालाई पाँच लाख

कर्णाली प्रदेशको राजधानी सुर्खेतमा पहिलो पटक राष्ट्रियस्तरको १९ वर्षमुनीको टी–२० राष्ट्रिय महिला क्रिकेट प्रतियोगिता आयोजना हुँदैछ। सन् २०२७ मा बंगलादेश र नेपालले संयुक्त रूपमा आयोजना गर्ने उमेर समूहको महिला विश्वकप क्रिकेटमा प्रतिनिधित्व गर्ने महिला खेलाडीको छनोटका लागि प्रतियोगिता आयोजना हुन लागेको हो।

नेपाल क्रिकेट संघ (क्यान) का कोषाध्यक्ष पदमबहादुर खड्काले क्यानको वार्षिक कार्यक्रम अनुसार प्रतियोगिता आयोजना गर्न लागिएको जानकारी दिए। प्रतियोगीता जेठ २२ गतेदेखि असार १ गतेसम्म सञ्चालन हुनेछ।