धानमा जोडिएको जीडीपी, आगामी वर्ष उत्पादन बढ्ने प्रक्षेपण

काठमाडौँ । मुलुकको कुल गार्हस्थ्य उत्पादन (जीडीपी)मा कृषिको योगदान सबैभन्दा बढी छ । जीडीपीमा कृषिले २४ प्रतिशत योगदान गरेको छ । कृषिमा चाहिँ सबैभन्दा बढी धान बालीको योगदान छ । सरकारी तथ्यांक अनुसार धानको मात्रै करिब १५ प्रतिशत योगदान छ ।

यो वर्ष गत वर्षको तुलनामा धान रोपाइँ वृद्धि भएको सरकारी तथ्यांकले देखाएको छ । कृषि तथा पशुपन्छी विकास मन्त्रालयको तथ्यांकअनुसार देशभर धान खेती हुने जमिनमध्ये ९८.४ प्रतिशत क्षेत्रफलमा धान रोपाइँ भएको छ । देशभर १३ लाख ७७ हजार २१६ हेक्टर क्षेत्रफलमा धान रोपाइँ सम्पन्न भएको छ ।