हंगेरीलाई हराउँदै आयोजक जर्मनी अन्तिम १६ मा

स्टुटगार्ट । युरो २०२४ मा आफ्नो विजयी यात्रा जारी राख्दै आयोजक जर्मनी प्रतियोगिताको अन्तिम १६ मा प्रवेश गर्ने पहिलो टोली बनेको छ । बुधबार राति भएको समूह एको खेलमा टोली २–० गोले विजयी बन्यो ।

खेलको २२ औँ मिनेटमा इल्के गुन्डोगानको पासमा गोल गर्दै जमाल मुसियालाले जर्मनीलाई अग्रता दिलाएका थिए । दोस्रो हाफमा गुन्डोगानले गोल गर्दै टोलीलाई सहज जित दिलाए ।