स्कुल बस र मोटरसाइकल ठोक्किँदा दुई जनाको मृत्यु

झापा । झापाको मेचीनगरमा स्कुल बस र मोटरसाइकल एकआपसमा ठोक्किँदा दुई युवकको मृत्यु भएको छ । जिल्ला प्रहरी कार्यालय झापाका अनुसार बुधबार अपराह्न करिब ५:२० बजे मेचीनगर नगरपालिका–७ स्थित सञ्जय सिमेन्ट फ्याक्ट्री अगाडि भएको दुर्घटनामा दुई युवकको मृत्यु भएको हो ।

गोमनसरीबाट धुलाबारीतर्फ जाँदै गरेको होलिबेल इंग्लिस बोर्डिङ स्कुलको मे १ क ३९१ नम्बरको बस र विपरीत दिशाबाट आउँदै गरेको मे ९ प ९९०४ नम्बरको मोटरसाइकल एकआपसमा ठोक्किएका थिए ।