पोखराका होटलमा झन्डै तीनअर्ब रुपैयाँको क्षति

जेनजी आन्दोलनका क्रममा पोखराको पर्यटन क्षेत्रले भौतिक रुपमा ठूलो नोक्सानी खेप्नुपरेको व्यावसायीले बताएका छन्। होटल र रेस्टुरेन्ट सहित व्यावसायिक भवनमा गरिएको आगजनी र तोडफोडले ठूलो नोक्सानी भएको व्यावसायीको भनाई छ।

पोखराका होटल तथा रिसोर्ट लगायतका क्षेत्रमा भएको आक्रमणको क्रममा झन्डै तीनअर्ब रुपैयाँको भौतिक सम्पत्ति नोक्सान भएको प्रारम्भिक आँकडा होटल संघले सार्वजनिक गरेको छ। होटल संघ पोखराका अध्यक्ष लक्ष्मण सुवेदीका अनुसार आन्दोलनकारीले लेकसाइडको वरपीपल रिसोर्ट, मन्त्र थकाली भान्छाघर, होटल आडम, सरोवर होटल, बगैंचा रिसोर्ट, गुडविल होटल र अंशुभरा समूहको भवनमा आगजनी र तोडफोड गरेका थिए। भौतिक पूर्वाधारसँगै होटलका गाडी र होटलमा बसेका पाहुनाका निजी सवारीमा पनि आगजनी र तोडफोड भएको थियो।