वेस्ट इन्डिजविरुद्ध श्रीलङ्काको विजयी सुरुआत

किङ्ग्सटन । ओपनर पथुम निसङ्का र कप्तान कुसल मेन्डिसको उत्कृष्ट अर्धशतकीय पारीको मद्दतले श्रीलङ्काले वेस्ट इन्डिजविरुद्धको पहिलो एकदिवसीय अन्तर्राष्ट्रिय क्रिकेट खेलमा ४१ रनको शानदार जित हात पारेको छ।

बुधबार भएको खेलमा टस जितेर पहिले फिल्डिङ गर्ने वेस्ट इन्डिजको निर्णयलाई गलत साबित गर्दै श्रीलङ्काले निर्धारित ५० ओभरमा ७ विकेट गुमाएर ३०३ रनको बलियो योगफल खडा गरेको थियो। जवाफमा ३०४ रनको चुनौतीपूर्ण लक्ष्य पछ्याएको घरेलु टोली वेस्ट इन्डिज अन्तिम ओभरमा २६२ रनमा समेटिएपछि श्रीलङ्काले तीन खेलको शृङ्खलामा १–० को अग्रता लिएको हो।