इसराइली प्रधानमन्त्री नेतन्याहुलाई पक्रिने विचार गर्दै न्यूयोर्कका मेयर ममदानी

न्यूयोर्कका मेयर जोहरन ममदानीले आगामी सेप्टेम्बरमा संयुक्त राष्ट्रसङ्घको महासभाका लागि न्यूयोर्क आउन लागेका इसराइली प्रधानमन्त्री बेन्जामिन नेतन्याहुलाई पक्राउ गर्ने वा नगर्ने भन्नेबारे विचार गरिरहेको बताएका छन्।

न्यूयोर्क टाइम्सको पोडकास्ट 'द इन्टरभ्यु' मा बोल्दै नेतन्याहुलाई हिरासतमा लिन न्यूयोर्क प्रहरीलाई आदेश दिनु कानुनी हुन्छ कि हुँदैन भनेर बुझ्न अझै पनि आफ्ना कर्मचारीहरूसँग काम गरिरहेको उनले बताए।