भक्तपुरको विद्यालयमा भीषण आगलागी, दुई तले भवनमा ठूलो क्षति

भक्तपुर |

भक्तपुर नगरपालिका–२ लिवालीस्थित ख्वप्रिङ इंग्लिस सेकेन्डरी स्कुलमा बिहीबार बिहान भीषण आगलागी हुँदा विद्यालयको दुई तले भवनमा ठूलो क्षति पुगेको छ। विद्यालय भवनको माथिल्लो तलाबाट सुरु भएको आगो केही समयमै फैलिँदा कक्षाकोठा, फर्निचर, शैक्षिक सामग्री तथा विद्युतीय उपकरणहरू जलेर नष्ट भएका छन्। प्रहरी, स्थानीय बासिन्दा तथा भक्तपुर र काठमाडौंका दमकलको सहयोगमा आगो नियन्त्रणमा लिइएको छ। घटनामा मानवीय क्षति भने नभएको प्रारम्भिक जानकारी प्राप्त भएको छ। आगलागीका कारण विद्यालयको दुई तले संरचनामा उल्लेख्य क्षति पुगेको जनाइएको छ।