मधेस प्रदेशसभा : बजेट वक्तव्य संशोधन गर्न संकल्प प्रस्ताव पारित

धनुषा । मधेस प्रदेशसभाको आइतबारको बैठकले बजेट वक्तव्य संशोधन गर्न संकल्प प्रस्ताव बहुमतबाट पारित गरेको छ ।

प्रदेशसभाको चौथो अधिवेशनको सातौँ बैठकले प्रदेश सरकारको चालु आर्थिक वर्ष २०८१/८२ को बजेट वक्तव्य संशोधन गर्न संकल्प प्रस्ताव पारित गरेको हो । गत पुस २९ गते संकल्प प्रस्ताव दर्ता भएको थियो । सभामुख रामचन्द्र मण्डलबाट सैद्धान्तिक सहमतिपछि आज प्रदेशसभामा संकल्प प्रस्ताव पेस गरिएको थियो ।