चीनले समुद्रको पिँधमा बनाएको डेटा सेन्टर सञ्चालनमा आउन थाल्यो

एजेन्सी । कृत्रिम बुद्धिमत्ता (एआई) को विश्वव्यापी दौडमा अहिले सबैको नजर अमेरिकातिर सोझिएको छ । अत्याधुनिक सफ्टवेयर मोडेल, ठूला प्राविधिक लगानी र सिलिकन भ्यालीका नवीनतम चिप्सका कारण अमेरिका यो दौडको अग्रपंक्तिमा रहेको भान हुन्छ ।

तर, पर्दापछाडि यस प्रतिस्पर्धाको दिशा चिप्सबाट मोडिएर ऊर्जा र पूर्वाधारको नयाँ धरातलमा पुगिसकेको छ । हालै चीनले शाङ्हाईको तटीय क्षेत्रमा निर्माण गरेको विश्वकै पहिलो वायु–ऊर्जा सञ्चालित अन्डरवाटर डेटा सेन्टरले प्रविधि जगतमा एउटा यस्तो मानक स्थापित गरेको छ जसले एआईको भविष्य जमिनमा मात्र नभई समुद्रको पिँधमा तय हुने संकेत गरेको छ ।