लगातार दोस्रो जितसँगै नेपालको विजयी यात्रा कायम, भुटान ५१ रनले पराजित

काठमाडौँ ।

एसीसी महिला प्रिमियर कपमा नेपालले लगातार दोस्रो जित दर्ता गर्दै उत्कृष्ट लय कायम राखेको छ। बिहीबार भएको खेलमा नेपालले भुटानलाई ५१ रनले पराजित गर्दै प्रतियोगितामा आफ्नो अपराजित यात्रा जारी राखेको हो। नेपालले दिएको ११४ रनको लक्ष्य पछ्याएको भुटानले निर्धारित २० ओभरमा ८ विकेट गुमाएर ६२ रन मात्र बनाउन सक्यो। भुटानका लागि डेचेन वाङ्मोले सर्वाधिक ३९ रन बनाए पनि टोलीलाई हारबाट जोगाउन सकिनन्।