प्रिमियर लिग : म्यान्सिटीको गोल वर्षा, म्यानयुको हार श्रृंखला जारी

काठमाडौं । इंग्लिश प्रिमियर लिगमा म्यान्चेस्टर सिटीले फराकिलो जित निकालेको छ । आइतबार राती भएको खेलमा म्यान्सिटीले इप्सविच टाउनको पोष्टमा ६ गोलको वर्षा गरेको हो ।

म्यान्सिटीलाई (६-०)को फराकिलो जित दिलाउन फिल फोडेनले दुई गोल गर्दा मातेओ कोभासिक, जेरेमी डोकु, जेम्स म्याकएटी र एर्लिङ हालान्डले एक–एक गोल गरे । जितसँगै म्यान्सिटी अंक तालिकाको चौथो स्थानमा उक्लिएको छ । उसको २२ खेलबाट ३८ अंक भएको छ ।