‘सबैले इन्डक्सन चलाए ट्रान्सफर्मर पड्किन्छन्’ भन्ने प्रधानमन्त्री शाहको दाबी कति यथार्थ?

काठमाडौं । गत साता मासिक ५० युनिटभन्दा बढी विद्युत् खपत गर्ने उपभोक्तामाथि ५ प्रतिशत भ्याट लगाउने सरकारको निर्णयको विषयमा प्रधानमन्त्री बालेन्द्र शाहले संघीय संसद अन्तर्गतको प्रतिनिधिसभामा जवाफ दिए । संसदमा जवाफ दिँदै प्रधानमन्त्री शाहले इन्डक्सनबाट खाना पकाउने हो भने देशमा भएका सबै ट्रान्सफर्मर र सबस्टेसन पड्किने धारणा राखे ।

‘अहिले हामी विद्युतीय युगमा तुरुन्तै जान सकिने अवस्था छैन । साँच्चै देशका हरेक किचनमा अहिले नै बिजुलीबाट इन्डक्सन कुकरबाट पकाउने हो भने देशमा भएका सबै ट्रान्सफर्मर र सबस्टेसन पड्किन्छन्,’ सम्बोधनका क्रममा शाहले भने, ‘त्यसको क्षमता अहिले छैन । त्यो क्षमतालाई विकास गर्नलाई पैसा चाहिन्छ र त्यही पैसाको लागि ५० युनिट भन्दा माथि ५ प्रतिशत भ्याट लाउने कुरा अर्थमन्त्रीले गर्नुभएको हो । यो एकदमै धेरै रकम होइन ।’