शानदार जित निकाल्दै शीर्ष स्थानमा फर्कियो रियाल मड्रिड

काठमाडौं । स्पेनिस ला लिगामा रियाल मड्रिड फेरि शीर्ष स्थानमा फर्किएको छ । आइतबार राती घरेलु मैदानमा लस पल्मसलाई ४-१ गोल अन्तरले हराउँदै रियाल शीर्ष स्थानमा फर्किएको हो ।

रियाललाई शानदार जित दिलाउन केलियन एम्बापेले दुई गोल गरे । उनले गरेको तेस्रो प्रहार भीएआरले विफल नपारेको भए उनले पहिलो हाफ अघि नै ह्याट्रिक पूरा गर्ने थिए । ४२औं मिनेटमा गरेको प्रहारलाई भीएआरले मान्यता दिएन । ब्राहिम डाएज र रोड्रिगोले एक-एक गोल थप्दा टोलीले ४-१ को जित निकाल्यो ।