हमासले १५ महिनादेखि बन्धक बनाएका तीन तन्नेरी इजरायल फर्किए, युद्धविरामको अन्तिम घडीमा १९ मारिए

काठमाडौं । हमासले गाजामा १५ महिनादेखि बन्धक बनाएका तीन जना इजरायल फर्किएका छन् । इजरायली सेनालाई बुझाउनु पहिले हमासले बन्धकलाई गाजामा उपस्थित रेडक्रमसलाई सुम्पिएको थियो ।

त्यसरी रिहा हुनेमा ३१ वर्षीय डोरोन स्टिनब्रेचर, २८ वर्षीय एमिली दामरी र २४ वर्षीय रोमी गोनेन छन् । हमासका अनुसार रिहा गरेका प्रत्येक बन्धकको सट्टा ३० प्यालेस्टाइनी कैदीलाई इजरायली जेलबाट मुक्ति गरिने छ । जसको अर्थ ३ बन्धक छुटेबापत ९० प्यालेस्टाइनी कैदी इजरायली जेल मुक्त हुने विश्वास गरिएको छ ।