स्पेनिस ला लिगा: यमाल चम्किएको खेलमा, राफिन्हाको लगातार दोस्रो ह्याट्रिक

काठमाडौँ – ब्राजिलियन फरवार्ड राफिन्हाको लगातार दोस्रो खेलमा उत्कृष्ट ह्याट्रिक मद्दतमा शीर्ष स्थानको बार्सिलोनाले स्पेनिस ला लिगामा सेभियामाथि सहज जित दर्ता गरेको छ। रामोन सान्चेज-पिज्जुआन स्टेडियममा सम्पन्न खेलमा सेभियालाई पराजित गर्दै बार्सिलोनाले लिगको शीर्ष स्थानमा आफ्नो अग्रता अझ फराकिलो बनाएको हो।

यस सिजन उत्कृष्ट लयमा रहेका २९ वर्षीय राफिन्हाको यो जितसँगै सबै प्रतियोगिताहरूमा गरी गोल सङ्ख्या १४ पुगेको छ। यसअघि गत बुधबार रेसिङ सान्टान्डरविरुद्ध ७-२ को जित निकाल्दा पनि उनले ह्याट्रिक प्रहार गरेका थिए।